ബെംഗളൂരു: കോവിഡിന് മുമ്പുള്ള നിലയിലെത്താൻ ഇനിയും സാധിക്കാത്തതും നിലവിലെ വരുമാനം കൊണ്ട് ചെലവുകൾ നേരിടാൻ കഴിയാത്തതിനാലും, മെട്രോ സ്റ്റേഷനുകളിലെ വാണിജ്യ ഇടം 2.20 ലക്ഷം ചതുരശ്ര അടിയായി വികസിപ്പിച്ച് റിയൽ എസ്റ്റേറ്റിൽ നിന്ന് ധനസമ്പാദനം നടത്താൻ ബിഎംആർസിഎൽ തീരുമാനിച്ചു.
റീട്ടെയിൽ ഔട്ട്‌ലെറ്റുകൾക്കും എടിഎമ്മുകൾക്കും പാർക്കിംഗ് സ്‌പെയ്‌സുകൾക്കും സ്ഥലം വാടകയ്‌ക്കെടുക്കുന്നതിലൂടെ 2022-23ൽ 50 കോടി രൂപ നോൺ-ഫെയർ വരുമാനം നേടാനാണ് നമ്മ മെട്രോ ലക്ഷ്യമിടുന്നത്.
നിലവിൽ 16 റീട്ടെയിലർമാർ 21,000 ചതുരശ്ര അടി വാടകയ്ക്ക് എടുക്കുന്നുണ്ടെന്നും, അത് വിപുലീകരിക്കാൻ ഞങ്ങൾ ആഗ്രഹിക്കുന്നുണ്ടെന്നും ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡിലെ (ബിഎംആർസിഎൽ) ഒരു മുതിർന്ന ഉദ്യോഗസ്ഥൻ പറഞ്ഞു. കോവിഡിന് മുമ്പുള്ള റൈഡർഷിപ്പിലേക്കുള്ള മന്ദഗതിയിലുള്ള തിരിച്ചുവരവും സാധാരണ സേവനങ്ങൾ പുനഃസ്ഥാപിച്ചതുമൂലമുള്ള വർധിച്ച ചെലവുകൾക്കുമിടയിൽ 2022-23 സാമ്പത്തിക വർഷത്തിൽ യാത്രാക്കൂലി ഇതര വരുമാന ലക്ഷ്യമായി 50 കോടി രൂപ അധികൃതർ നിശ്ചയിച്ചിട്ടുള്ളത്.
ദിവസേനയുള്ള ശരാശരി യാത്രക്കാരുടെ കണക്കുകൾ അടുത്തിടെ 3-ലക്ഷം കവിഞ്ഞതായി റിപ്പോർട്ടുകൾ സൂചിപ്പിക്കുന്നുണ്ടെങ്കിലും പകർച്ചവ്യാധിക്ക് മുമ്പുള്ള ദിവസങ്ങളിൽ കണ്ട 4.5-5 ലക്ഷത്തേക്കാൾ കൂടുതൽ വരുന്ന യാത്രക്കാരുടെ കണക്കു വെച്ച് നോക്കിയാൽ 35%-40% കുറവാണ് നിലവിൽ മെട്രോ ഉപയോഗിക്കുന്നത്. അതുമൂലം പ്രതിദിന നിരക്ക് വരുമാനത്തിൽ 50-70 ലക്ഷം രൂപ കുറഞ്ഞുവെന്നാണ് ഫെബ്രുവരി മാസത്തെ വരുമാന വിശദാംശങ്ങൾ സൂചിപ്പിക്കുന്നത്.
യാത്രാക്കൂലി ഇതര വരുമാനം 2019-20ൽ 41.92 കോടി രൂപയിൽ നിന്ന് 2020-21ൽ 24 കോടി രൂപയായി കുറഞ്ഞതോടെ, റീട്ടെയിൽ ഔട്ട്‌ലെറ്റുകൾ, എടിഎമ്മുകൾ, പാർക്കിംഗ് സ്ഥലങ്ങൾ എന്നിവയിൽ നിന്നുള്ള ലൈസൻസ് ഫീയോ വാടകയോ ആയിരുന്നു പ്രധാന സ്രോതസ്സുകൾ എന്നും അധികൃതർ വ്യക്തമാക്കി. ലോക്ക്ഡൗൺ സമയത്ത് കടകളുടെ വാടക ഒഴിവാക്കിയ ശേഷം, ബിഎംആർസിഎൽ വാണിജ്യ സ്ഥലത്തിന്റെ വാടകയെ റൈഡർഷിപ്പുമായി ബന്ധിപ്പിക്കുകയും ഡൽഹി മെട്രോ ആദ്യം നടപ്പിലാക്കിയ ഒരു മാതൃക സ്വീകരിക്കുകയും ചെയ്തു.
ബെംഗളുരുവിൽ പരസ്യ ഹോർഡിംഗുകളുടെ നിരോധനം യാത്രാക്കൂലി ഇതര വരുമാനത്തിന് വലിയ തടസ്സമായി തുടരുകയാണ്. വാർഷിക വരുമാനം 100 കോടി വർധിപ്പിക്കാൻ പരസ്യങ്ങൾക്ക് സാധ്യതയുണ്ടെന്നാണ് അധികൃതരുടെ കണക്കുകൂട്ടൽ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
